Hainbat ekimen bultzatzen ditugu emakumeek zientzia eta teknologiaren arloan egindako lana ezagutzera emateko. Era berean, 2017az geroztik, Nazio Batuen “Zientziaren arloko Emakume eta Neskatoen Nazioarteko Eguna” ospatzen dugu otsailaren 11n, eta honexen harira bideo-sorta hau ekoizten dugu.

Bideoek agerian utzi nahi dute emakumeek esparru zientifiko-teknologikoan jasandako lehengo zein oraingo diskriminazioa, bai eta gizon eta emakumeen arteko eskubide eta aukera-berdintasuna gauzatzeko bidean aurrera egiteko premia ere.